2016年9月3日 星期六

運動量大大的說

今日既我,做左一個月都無做既運動量,打左3小時籃球,將會打2小時乒乓球。
羅馬並不是一天建成,我希望可以令體重漸漸咁減落黎,同時增加番肌肉,等望落去個身型唔會太難看。
另外仲有個減肥既原因係,有個FD 話係我由195磅減番落正常水平(BMI)計算既話,請我去半島食晚飯,雖然我唔知佢講真定假,但都係一種動力黎,些些!

話說我好耐無搵車厘子傾計了,我諗住我可以避免一D唔開心既感覺,但原來我一同佢傾番計,對佢既感覺又覺得湧番出黎,其實我好想送隻小熊維尼既糖果盒比你,但我真係未有時間去整,我好想送隻170CM 既 蛋黃哥比你,但我唔知應該點入手,或者承諾係年輕既任性之一,雖然我唔知你對我係一個好朋友既睇法定係我諗多左果種。

但係我仲好期待可以同你去一次迪迪尼既黑色世界,本身你應成左我,果一刻我真係好開心,但係原來,可能你同我講既野,應成我既野,好快唔記得左或者根本無諗過係認真。ANYWAY,希望黎緊既你,顧住自己身體,唔好再餐餐食杯面,對你身體唔好的。希望你快D開到單,唔洗再捱杯麵。

或者原來我根本無任何藉口去阻止你食杯麵~HAHA

健身教練RAY 都好好人,我JOIN 左之後佢都唔介意自己開OT 同我做番D健身既訓練,假如有一日,真係可以變番一個正常既體重,我真係會去請你食番餐勁既去多謝你。

沒有留言:

張貼留言